Ass-nni n lexmis, 06 deg waggur n yebrir 2017 ɣef 13h30 n tmeddit, tella-d temlilt taseklant tis snat deg useggas-agi amaynut, sɣur Mass Kader Ali deg Temkerḍit tagejdant n tɣuri taɣerfant n lwilaya n Tizi Uzzu, mebeɛd tinna n Mass Attaf Mohammed, ass-nni n 02 deg waggur n meɣres iɛeddan. D timlilt ideg i d-yemselay umaru ameqqran Mass Ali Kader i wid i iḥemmlen tamussni ɣef wayen akk yura n yidlisen. Yella-d diɣen uskasi d widak i ḥeḍren dina. Ad d-nesmekti belli, Kader Ali d amaru n waṭas n yidlisen yecban: ungal “Uglan n tmurt” iwumi isemma netta “Les dents de la terre”, d yidlisen-nniḍen yecban: “Le vieux Fusil”, “La déchirure”…atg
A.A