Ungal Arrac n tefsut n Youcef Oubellil, yura-t deg yiseggasen 1994/1995, yeffeɣ-d i tkkelt tamezwarut s lmendad n Ugraw adelsan amaziɣ s tallelt n Tiddukkla n Marikan ACAA imi dɣa yewwi arraz amezwaru n temsizzelt n Lmulud At Mɛemmer i ixeddem ugraw-agi. Yewwi-d awal Mass Youcef Oubellil deg ungal-agi ɣef temsalt n tayri, acu kan d sebba i wakken ad d-ihder ɣef tedyanin n Tefsut n Yimaziɣen. S waya i yezmer umeskar, ɣef wakken i d-yenna, ad yejbed imeɣriyen, ladɣa ilmeẓyen ɣer tɣuri n wungal-is. Ilul Youcef Oubellil deg taddart n Ubizar, taɣiwant n At Jennad, d amaru, yura ungal Arrac n tefsut u ihegga sin wungalen-nniḍen akked wammud n yisefra, mzal ur d-ffiɣen ara.
A. A.