Ahad-a iɛeddan i yuɣal ɣur Bab n yigenwan ucennay amezwaru n temnaḍt n Ssaḥel deg waɣir n Bgayet Ɛezdin Berquq, ssebba n yiwen n waṭṭan i t-ilebsen acḥal-aya tura. Ugar n umeslay n umezruy fell-as, d ccna azedgan umi yebges segmi iger aḍar deg tẓuri, Ɛezdin Berquq d win i ḥemmlen aṭas lɣaci n Usaḥel, abeɛda wid n Uweqqas, ɣef ssifat-is n umdan. Ulama yebda ccna d ameẓyan deg yiseggasen n 1970, ideg yecna deg waṭas n tamiwin d tmuɣriwin n Tmurt, armi yessekles tasfift-is tamezwarut deg useggas n 1984. Syin yerna-d tayeḍ sin n yiseggasen ɣer sdat ideg d-yewwi ddeqs n yisakayen ɣef tmetti ladɣa. Tamuɣli-s ɣef kra n tlufa ǧǧan-t ad yeqqim kan d netta, wala ma yuɣ cciɛa s yir abrid. Steɛfu di talwit ay anaẓur!
M. K.