Yettkemmilen leqdic adelsan deg yiɣerbazen d tesnawiyin n Tizi Uzzu, ama seg tama n temsizliyin i d-yettilin ɣef leqraya, i d-ixelqen amhezwer d anwi inelmaden ara d-yufraren akked anta tasnawit neɣ aɣerbaz, ama daɣen d addal iwumi i fkan azal d ameqqran i usnerni n wallaɣ n unelmad d uḥareb ɣef tfekka-s d tezmert-is.
Addal-a, akken i d-nnan yimḍebbren, d ayen yessenqasen ccwal deg yiɣerbazen. Gar temsizliyin i d-yellan deg wuraren yemxalafen, am ddabex n uḍar, ddabex n uqecwal, ddabex n ufus d tciret n ufus, yella-d ass n 18 deg yebrir yezrin wurar gar tesnawiyin d yiɣerbazen n Tizi Uzzu. Ha-t-an amek i d-ufraren i wakken ad ɛeddin ɣer temlilit n tama n Boumerdes : 1-aɣerbaz amenzu M. Ou Rabah, Iguersafenes ; 2-aɣerbaz alemmas n Djennai Agoussim, Illoula oumalou ; 3-aɣerbaz Kaci Mohand, Freha ; 4-tasnawit Sahoui Aldjia, Azazga. Ma d ass n 26 deg yebrir 2017, uraren ddabex n ufus, ufraren-d yiɣerbazen-agi : 1-tasnawit n Tassaft Akbil, Ain El Hammam. Ma d sin i d-yeggran tasnawit n Chihani n Azazga d uɣerbaz alemmas n Souamaa, Mekla, wwin talɣuɣa n Tizi Uzzu, ad ɛeddin yiwet ɣer wurar uqbel taggara deg Boumerdes , wayeḍ ɣer wurar n tama n Bouira. Ass n 26 deg yebrir, daɣen uraren ddabex n uqecwal, ufraren-d akka : 1-aɣerbaz alemmas Oukal Azib Ahmed, Tizi Uzzu ; 2-Tasnawit n Beni Douala ; 3-aɣerbaz alemmas Halliche Said, Tizi Uzzu. Wigi, ad ɛeddin ɣer wurar n tama n Boumerdes. Ass n 27 deg yebrir 2017, uraren ticiret n ufus, ufraren-d wigi: 1-aɣerbaz alemmas Kaci Mohand, Freha ; Tizi Uzzu ; 2-aɣerbaz alemmas Bekkar, Tizi Uzzu ; 3-Tasnawit Ben Boulaid, Ain El Hammam ; 4-Tasnawit Abane Remdane, Tizi Uzzu. Wigi, ad ɛeddin ɣer wurar n tama n Boumerdes. Akka, leqdic mazal ad ikemmel ass n 07 anda ara uraren yiɣerbazen imenza timlilit n hand balle+kids athletect. I usmekti, uraren akk i d-yeḍran, llan-d deg tzeqqa tameqqrant n umenzu n unbir ( 1er novembre). Isallen-agi yefka-ten-id Mass Boukhalfi imdebber ɣef leqdic n waddal aɣurbiz n Tizi Uzzu d Mass Ali Ahmed d anemhal n leqdic adelsan deg tenmehla n Tizi Uzzu. Sḥssfen aṭas yimḍebbren-a ɣef kra n yinemhalen n yiɣerbazen d tesnawiyin ur nqeddec ara, ama deg waddal neɣ ayen yerzan nfeɛ n yinelmaden d lfayda-nsen. « Ttwalin yinemhalen-a dakken leqdicat-agi d adegger n lweqt » i aɣ-d-nnan. Ɣef wakken qqaren yimussnawen, addal yesrusuy leɛqel, yessenqas ccwal deg yiɣerbazen.
Z.A.Y