Deg ussan-agi yezrin i d-yeffeɣ wammud n tmedyazt amezwaru n umaru d umedyaz aqbayli, Mass Ali Menas iwumi isemma “Gar wallen d wallaɣ”, yeffeɣ-d ɣer tezrigin « Terroir » n temdint n Tizi Uzzu. D wagi i d adlis amezwazu ara d-yessuffeɣ umaru-agi n Tubiret, ideg i d-yewwi awal deg 20 n yisefra i yellan deg-s ɣef tejmilt i Lwennas Maɛtub, lḥeqq, aẓar d laṣel, ttrika, tudert-is, tagmat, tameṭṭut…atg. D adlis n 81 n yisebtar, yettnuzu deg tnedlisin s wazal n 200DA. Ad d-nesmekti kan belli, Mass n Ali Menas, ilul deg useggas n 1970 deg taddart n Bumnazel deg tɣiwant n Wat Leqsar deg lwilaya n Tubiret. Yebda tira n tmedyazt asmi yella d anelmad deg tesnawit, asefru amezwru akk yura isemma-as « Ayen i iɛeddan ».Taɣuri igerrzen i yimeɣriyen, afud iǧehden i yimeskaren!
A. A.