Tiddukkla tussnant “EDCO Sante” n tesdawit Lmulud At Mɛemmer n lwilaya n Tizi Uzzu, tessuddes-d ass-nni letnayen 08 deg maggu alamma d ass-nni n lrebɛa 10 maggu 2017, yiwet n rreḥba n udlis meqqren. Tella-d deg tesdawit yettwassnen s yisem n “Hasnaoua 1”, d rreḥba anida i ttekkint ugar n 10 n yixxamen n tezrigin n lwilaya n Tizi Uzzu d lwilayt-nniḍen n tmurt, yecban: Rica Elsam, Tafat, El Amel, Frantz Fanon, Kerdja, Numidie, Houroufi Al Moufadala…D tagnit i wakken ad sqerben yiɛeggalen n tiddukkla-agi d tezrigin idlisen i yisdawanen n tesdawit n Tizi Uzzu. Tagi d tazrigt tis smmuset ara tt-xedmen rreḥba-agi n yidlisen daxel n tesdawit. Am wakken diɣen i d-llant temsikniyin-nniḍen ama d tid n lecɣal n ufus neɣ tid tisellak timezwura “secourisme”. Ad d-nesmekti belli, tiddukkla-agi tussnant, xelqent-tt-id tesdawanin n tesdawit n Tizi Uzzu deg useggas n 2007, tqeddec s umata deg wayen yeɛnan tazmart n tmeṭṭut.
Amazigh Ghani