Gar wayen i d-yettawin ibaxixen deg ufalu-a n ubrid aɣelnaw wis 9, tella tazzla, yella uɛeddi. Maca daɣen ula d yir liḥala-s, tettaǧǧa tikwal anehhar yettawi-d asehwu (accident) i netta d wiyaḍ. Am tafat i ixussen ayendin daxel-is akked takka i yesderɣilen tamuɣli n yal yiwen. Rnu-as iḍumman i yettenḍeggaren deg-s amzun d agudu. Ɣef waya i d-ihegga ussan-a yezrin n remḍan Uḥuddu Aɣarim, s tallelt n waṭas n yilemẓiyen, yiwet n tedwilt n ubraz d usizdeg n ufalu-a i yettwasseqdacen buhan sɣur wat tkeryas n waṭas n twilayin. D ayen yelhan akken xersum ad yessenqes waya seg twuɣa i d-yettilin deg-s teɣzi n useggas.
M. X.