Yewweḍ-aɣ-d ussan-a kan sɣur Tenmehla n Uḥuddu Aɣarim (Protection Civile) n Bgayet yiwen n wulɣu d amaynut ideg i d-ddan leḥsabat n yineḍruyen, tuffɣiwin d twuɣa deg setta n wayyaren imezwura n useggas-a 2017. D ameslay ɣef umḍan amatu n tuffɣiwin, yewweḍ merra ɣer 13 828. Gar-asent 6007 ɣer yimuḍan neɣ ɣer yimejraḥ seg uɣelluy, axeddim, atg. 836 d tuffɣiwin n usellek ɣer yisehwa (laksidat) n yiberdan, i d-yesseggran 999 n yimejraḥ, d 28 n yimattanen. Ayen i d-ibanen s waṭas diɣ deg usḍisyur-a amenzu, d indaren n tmes i yewwḍen ass mi d-yeffeɣ wulɣu ɣer 676. Amḍan-a yerza akk imeḍqan. Am wakken ttwajerrdent 3620 n tuffɣiwin-nniḍen am i ttiɛadat inaddalen, neɣ i lmend n tirzi n yimḍebbren,atg. Ma yella ɣef wayen icudden i yilel, ɣerqen deg teftisin n Bgayet ɣef waṭas n tsebbiwin 5 n yimdanen deg wayyur n yunyu. Dɣa jerrden ssrabes n Uḥuddu Aɣarim azal n 810 000 n yiɛewwamen ar tura. Ma nga aserwes gar tallit yecban ta n yilindi, ad naf aseggas-a, zadent merra tuffɣiwin. Ula d indaren n tmes ur d-llin uggten imi d-llan azal n 400.
M. K.