Ula d Massa Malika Maɛtub, si ljiha-is, terra-d ɣef kra n yisteqsiyen.
Aɣmis n yimaziɣen : Amek i t-tḥulfaḍ ass-a imi i d-nejmaɛen yilmeẓyen-a akken ad d-smektin Lwennas xas ulama mačči d win ara yettwattun ?
Malika Matoub : D ayen yessefraḥen , leqic-agi i d-tettheggi tdukla Amgud si 10 n yiseggasen aya , d akemmel n wayen yexdem Lwennas. Nekni nettak-asen afud i leqdicat yecban wigi .
Tmaziɣt d amennuɣ ɣef wacu yemmut Lwennas, ass-a, tuɣal d tunṣibt. D acu i d-tamuɣli-im ?
Ma yella nenna-d ur telḥi ara, d lekdeb , meɛna aṭas i ixussen. Tamaziɣt ilaq ad tili deg yiɣerbazen. ass-a, ilaq ad nerr tajmilt tameqrant i yiselmaden n tmaziɣt n yigezduyen i yellan ama di Bgayet , Tizi Uzzu neɣ Tubiret, imi ttmagaren-d aṭas n yiɛewwiqen deg uxeddim-nsen .
D acu ara asent-tiniḍ i yiɛeggalen n tdukla ?
Ilaq ad kemmlem deg ubrid-a , tiddukkla-a Amgud, txeddem imi yal aseggas, yettili-d leqdic-a. Nekni aqlaɣ ɣer yidisan-nsen. Ssarameɣ mazal amecwar n uxeddim akked tdukla-agi.
Deg yiwen wawal kan : Ma yella nniɣ-am-d tamurt n Lezzayer ?
Tamaziɣt
Deg yiwen wawal kan : Ma yella nniɣ-am-d tamurt n Lezzayer ?
Tamaziɣt
Taqbayli ?
Yemma
I Lwennas ?
D tayri.
Testeqsa-tt Souhila Yamani