Abrid aγiwan yettawin γer taddart n Yilyiten deg tγiwant n Saharidj yekkan seg wasif Asemmaḍ a-t-an deg yir liḥala, imi mačči d yiwen neγ d sin n yimekwan i yenṭarren deg-s. Segmi kan tɛedda tegrest, aṭas n yikettiren i d-ibanen deg-s d ayen i t-yessawḍen ass-a yebda yettax almi ur yeshil ara uɛeddi deg-s. Ggten akka yicektiyen γer tamiwin yemxallafen almi i d-teffeγ yiwet n tesqamut tamcarekt gar tγiwant d twilayt i wakken ad as-swejdent ayen iwulmen i useggem-ines. D acu kan, ar ass-a mazal ur d-iban kra, γas ulamma deg tizwar taγiwant n Saharidj tessebgen-d ula d takebbanit ara ixedmen uqbel ad d-yili uɛiwed n tmuγli deg ubeddel n kra n lecγal. Ayen i yerḥan tura imezdaγ n taddart-a dakken simmal yettɛeṭṭil lhal, simmal abrid yettzad deg usyax-is.
M.Smail