Deg ddurt-agi iɛeddan, ḍrant-d ukuẓ n twaɣiyin anda, sebba-nsent tamenzut, d amdan. Tamezwarut d tin i d-yeḍran deg Lezzayer tamaneɣt, anda yiwen n urgaz yenɣa tameṭṭut, syin yegzem ljessa-s d iceqqufen. Tis snat, deg tmanaɣt daɣen, yiwen urgaz yezla yiwet n tmeṭṭut deg ubrid sdat n tmuɣli n yemdanen. Tayeḍ, teḍra-d deg temdint n Sṭif , yiwen urgaz ad yili yesɛa 60 n yiseggasen yejreḥ 8 n yiɛeyyalen si twacult-is yerna yewwi tarwiḥt n 3 n wiyaḍ. Ma yella d taneggarut d tin yessewhamen, d tin ara yeǧǧen amdan ad yessteqsay : Anda yella umḍiq n uɣerbaz ? Anda tella ttrebga n twacult ? Uɣalen warrac amzun amzun akken deg umadeɣ i d-kkren, amzun akken ulac tawacult ara sen-islemden ayen yelhan d wayen n diri? Ihi, tagi d yiwet n teqcict i yesɛan 15 n yiseggasen kan mi i tewwi taǧaret-is i yesɛan 8 n yiseggasen akken ad tt-texnaq s yiwen n tcelwiḍt. Ugar n 250 n tlawin i icetkan ɣef tmuḥeqqranit i yedrandeg-sent deg lwilaya n Tizi Uzzu deg yiseggasen 2016/2017.
Souhila Yamani