Yekker ussan-a, deg umaḍal merra, wawal ɣef yiwen n usnas (Application) i d-ibanen tazwara d urar an, maca simmal yettwaseqdac, iban-d wudem-is amihan (dangereux) n tidet.
Asnas-a, yettarra d aklan akk arrac d yinubiyen i d-yeɣlin deg wurar-is. Rnu yeddemmir-iten ɣer taggara I wakken ad nɣen iman-nsen. Ula iwumi ara d-nebder isem n usnas-a. D acu, yewwi-d ɣef yal ababat ad iɛas tigawin n tarwa-s i ikesben tilifunat ifehmen. Dɣa, gar wayen i d-yessutur wurar-a, iɛedda i sswab, ajraḥ n tfekka, tanekra deg yiḍ i umuqel n usaru yessaggad, neɣ d aɣunzu n ḥedd n yimdanen teɣzi n wass. Armi yewweḍ ukellex ɣer umecwar aɛlayan, ad asen-yessuter wurar ad gen tilist i tudert-nsen. « Ur umineɣ ara d akken ilemẓiyen ad xulḍen s tidet urar-a, neɣ ad as-fken tagnit, ad ten-ikellex ». I d-yenna yiwen n ubabat seg Ayt Smaɛel. Ɣef wawal n tɣamsa tamaḍlant, win i d-yesnulfan asnas-a, yeḍfer tizrawin n tussna n tnefsit. Mi t-id-ṭṭfen yinesdabuyen n tmurt-is, iqarr-d d akken yesnulfa-d asnas-a akken ad ineɣ akk arrac imexsas n tegzi, i d-isemma d agudu abyuluji. Dɣa, segmi i d-banen kra n warrac d teqcicin i yenɣan iman-nsen seg usnas-a, gren aṭas n yibabaten deg tɛessast d uwessi n tarwa-nsen akken ur ttekcamen deg tqeffet n yir amdan. Am wakken yessawel uneɣlaf n teɣdemt Ṭeyyeb Luḥ, ad yettwasewḥel usnas-a deg tmurt n Lezzayer.
M. K.