Aḥric 3 taggara
Yenna-as Briruc: “yya neγ ad as-siwleɣ i uγerda.” Yenna-as ugeccul: “A-t-an ubrid siwel-as”. Inuda Briruc γef uγerda, yufa-t. Yenna-as: “Ay aγerda, yya ad tγeẓẓeḍ ageccul, ageccul yeggumma ad yessefsi tafrut, , tafrut tegumma ad tezlu tafunast, tafunast tegumma ad tsew tala, tala tegumma ad tessexsi times, times tegumma ad tesseṛγ adebbuz, adebbuz yegumma ad isreɛ uccay, uccay yegumma ad yečč uccen, uccen yeggumma ad yečč tizimert, tizimert tegumma ad teddu s axxam, Briruc yenγa-t uṣemmiḍ.” Yerra-as-d uγerda:” Ur n-ttaseγ ara. Ulac d acu i yi-yexdem.” Yenna-as Briruc: “Yya neγ ad as-ssiwleɣ i umcic.” Yenna-as uγerda: “A-t-an ubrid, siwel-as”. Inuda Briruc γef umcic, yufa-t. Yesawel-as: “Ay amcic, yya ad teččeḍ aγerda…” Ur t-yeǧǧi ad isali wal-is, amcic yerra-as-d: “Anda-t uγerda, seg lina i ttnadiγ fell as’’. Yewwi-t Briruc ɣer uγerda. Aγerda, akken d-yeẓra amcic, yenna-as: “A Briruc, anda-t ugeccul ?”. Briruc yeqceɛ amcic-nni, yewwi aγerda ɣer ugeccul. Ageccul, akken i d-yeẓra aγerda, yenna-as : “A Briruc, anda tella tefrut ? Briruc yeqceɛ aγerda, yewwi ageccul ɣer tefrut. Tafrut, akken i d-teẓra ageccul, tenna-as i Briruc: “A Briruc, anda tella tfunast ?” Briruc yenna-as i ugeccul :”Uγal ansi i d-tekkiḍ. Ur ak-sriγ ara tura. Yewwi tafrut ɣer tfunast. Tafunast, akken i d-teẓra tafrut, tenna-as i Briruc: “ A Briruc, anda tella tala ?”. Briruc yeqceɛ tafrut, yewwi tafunast ɣer tala. Tala, akken i d-teẓra tafunast, tenna-as i Briruc: “A Briruc, anda tella tmes ? Timesst, akken d teẓṛa tala, tenna yas i Bṛiṛuc: “a Bṛiṛuc! Anda yella udebbuz ?” Adebbuz, akken d Yeẓṛa times tetteddu-d, yenna-as: “ A Briruc, Anda yella uccay ? Uccay, akken i d-yeẓra adebbuz iteddu-d, yenna-as: “A Briruc, anda yella wuccen ? “Uccen, akken i d-yeẓra uccay iteddud-d, yenna-as:”Anda tella tzimert inek ?”. Tizimert, akken teẓṛa uccen yettaẓ-d γuṛ-s, tenna-as i Briruc:”A Briruc, yya ad nuγal s axxam, ṛwi&gamma,; seg lina i ttnadiγ fell ak”.
S tgemmi taqbaylit