Tekfa temlilit i d-heggan yiselmaden n tmaziɣt di tsedawit n Mulud Mεemri. 4 n wussan anda isdawiyen sqerdcen tamsalt n uselmed n tmaziɣt s tarrayt “tasnedwelt n yisenfaren” (La pédagogie de projet). Ayen i d-yufraren di temlilit-agi d asemres (la pratique) n tarrayt-agi, “anelmud yettili-d s usemres mačči s tiẓri (la théorie)”, ɣef waya yella-d beṭṭu n yisdawiyen i d-yusan ɣef 4 yigrawen imeqqranen n wazal n 30, i ttwellihen 2 n yiselmaden d umaswaḍ Mass Ɛli Bexti. Yal agraw ameqqran yebḍa d igrawen imeẓẓyanen, yal agraw ameẓẓyan ad yefren asenfar iɣef ara inadi s lebɣi-s. Isental n yisenfaren akked uskasi d taḥawact n wuguren, d yiɣeblan akked tmuɣliwin n yisdawiyen ama ɣef tmaziɣt (aselmed-is, uguren-is, tarrayin n uselmed-ii, atg.) ama ɣef tmetti-nneɣ: ansayen-is, timsal d tlufa i d-yufraren di tudert-nneɣ n wass-a. Asenfar mačči d ayen ara ifakken di 3 wussan, anadi mazal-it ad ikemmel sya d afella. Awal n taggara yexleḍ deg-s usirem, ukukru, lferḥ,; d lebɣi akken tamaziɣt ad teddu ɣer sdat, aɣerbaz-nneɣ ad as-d-tuɣal lhiba-s. Nesqucceḍ-d kra n tmuɣliwin n yisdawiyen, gar-asent. “D tarrayt i ilaqen ad tili d taɣelnawt… d zzux i yimaziɣen i tt-yessexdamen. Wwiɣ-d amaynut, lemdeɣ-d tutlayt ur nezmir ara ad tt-nesselmed ma ur tt-yeḍfir ara yidles… wwiɣ-d timuɣliwin timaynutin, cukkeɣ ur zmireɣ ara ad slemdeɣ melba tarrayt-agi”, I d-yenna Takfarinas. Ma d Fayza, tenna : “Aṭas i d-newwi, nruḥ-d nxuṣṣ… lemdeɣ-d akken ula d arrac zemren ad aɣ-sseɣren. Xir mi nexdem timlilit-agi, aṭas n yiεewwiqen i nekkes, i nesnefsusi… ssarameɣ ad naweḍ”
Djamila Ahitaghel