Iḍ-nni, d anejmuɛ extraordinaire deg uxxam n Sadiya n l’euro. L’ordre du jour : tisendyaq n lexmis d-iteddun. Mais, mazal ur yeddimari ara ukunklab: d tiẓemmit i yezwaren. Acḥal tt-iḥemmel Dezdeg ! Chaque fois ara d-yejbu ɣer tmurt, d tin i itett. Ma d Kaci l’Angoisse, tewwet-it tmaggert n yimeqfulen. D’ailleurs, yesɛedda difficilement snat n tjuɣlin.
Akken kan d-tessers Sadiya latay i yinebgawen-is, yenwawel sqef n uxxam. Yuzel Kaci ɣer berra ad iẓer d acu i iḍerrun. Yeḥbes unwiwel. Teffeɣ-d Sadiya d Dezdeg. Tqubel-iten-id tafat ad as-tiniḍ d azal qaylal. Yerfed aqerru-s Dezdeg ad iwali ansi i d-tekka: « a ddin uqabac, d la secoupe volante! ». Qquren sur place. Awal ur ten-id-yuli ara. Amecwar akka, tesṭasyuni tmacint-nni gar tzemmurt d tneqqult. Tekkaw Sadiya am tektunya. « Mmselmin, mmketfin », i as-teqqar s teɛrabt n leqbayel. Teffeɣ-d taɣect si tmacint : « azul fell-awen! Azul a Sadiya! Azul a Kaci ! Azul a Dezdeg ! Ur ttaggadet. D lxir i d-neqsed. Nusa-d seg la planète Meɣres. Ur wehmet ara! Nessen-ikun, Nessen at Rgad. Seg wasmi i d-yekcem rruman alarmi d-yennulfa umusu n leɛrac, nekni neṭṭafar-ikun, nettani Taddart-nwen du point de vue socio politico économique. Tura ara d-yeffeɣ ɣur-wen diligi-nneɣ ».
Telli-d wiyet n tewwurt n tmacint. Yeffeɣ-d seg-s yiwen n lxelq ad as-tiniḍ d E.T. n Spielberg. Taqerruct-is tcuba tin n nounours
– Nekk d Gamma, imḍebber amezwaru n unadi intergalactiques. Tazwara, imezdaɣ n Meɣres ttaken-d azul d aḥmayan i larc n at Rgad d imezdaɣ n la planète terre s umata.
– Euh… theddreḍ taqbaylit!… Ɛni llan leqbayel di Meɣres-agi?, i t-tesseqsa Sadiya
– Γas nessen akk timeslayin yellan di la galaxie, di larc-nneɣ nettmeslay s la télépathie. Azal n quatre années lumières aya seg wasmi neddibasi tamsalt n tutlayt.
– Acimi i d-tersem ɣur-neɣ deg At Rgad, mačči di Washington, Tokyo neɣ ẓriɣ-ak nekk?, i as-isteqsa, à son tour Kaci.
– Di Meɣres, nɛac s yiwet n l’énergie ḥala dagi i tella.
– Tɣelṭeḍ a winnat : pétrole di Sseḥra i yella, nucléaire di Iran!
– Ala ! d zzit n uzemmur i d l’énergie i as-nɛac.
– Dans ce cas, ad tt-tafem s lqewwa di Tunes, Falastin, Talyan…
– Zzit yelhan dagi i tella.
T.Ould amar