Taɣiwant n Bgayet, aseggas-a, ad d-teg “Snat tedyaninn s yiwen n leqdic”. Akken i aɣ-t-id-yessefhem Ḥakim Zaydi, ufrin (élu) n usqamu n tɣiwant i d-ibedden ɣef uqerru n lecɣal : « D tikelt tamezwarut ideg taɣiwant n Bgayet ad d-tessali, nettat s yiman-is, ahil i wass n tussna yakk d wass n tefsut Imaziɣen. Akken yal yiwen ad d-yaf iman-is, nenna yif ma nessezdi ahil i sin yirmad-a i aɣ-yeɛnan akk s Yizzayriyen. Ur ifeqqeɛ yiwen. »
Leqdic, ad d-yili s teɣzi n 4 wussan. Ad yebdu ass n 16 deg yibrir akken ad yekfu ass n 19 deg yibrir. Di tazwara irmad ad bdun deg yiɣerbazen imenza. S leqdic-a, ara yilin deg yiɣerbazen, imaswaḍen ad d-fernen wid ifazen. Widen-a ara itekkin ɣer umsizwer i d-tesbedd tɣiwant, deg uxxam n yidles n Bgayet. Gar yirmad ara d-yettwaheyyan, ad d-tili tmedyazt, triceqqufin n umezgun, ccna, taklut, …
Wid ara itekkin ɣer umsizwer, anagar arrac yeqqaren deg uɣerbaz amenzu.
Ait Ighil Mohand