Uggur n lexsas n waman n tissit iḥuzan aḥric ameqqran n tmurt, ur yezgil ara tuddar Tala-Yilef d Lɛec-Lbaz. Zgan ttidiren yimezdaɣ-nsent tallit iweɛren am unebdu am ccetwa. Γas ulama llan leɛyun n waman d tliwa i d-yetterdqen si lqaɛa. Imḍebbren n tudrin-agi suturen iwakken ad tent-ɛiwen tɣiwant iwakken ad asen-tgen aqerru i tliwa-agi.
Tudrin-agi zgant-d ɣef tama taɣerbit n ssahel n Bgayet, di temnaḍt n tmerrit, di Bulimat, rezzun-d ɣur-s d luluf n yimertaḥen yal aseggas. Tesɛa imukan icebḥen rrif lebḥar, d ixef n lǧennet di lqaɛa. Maca imezdaɣ-nsent, ttwalin-tt d lǧahennama. Aqerru n tdukla n tudrin-agi, Mass Riad Adjissi, yenna-d : « Ula d tafat deg yiberdan ur telli ara. Tamnaḍt-agi tettwattu, tettwaɛzel, nessaram imeḍebbren ad muqlen kra ɣur-s ».
Djouher Chili