Tamacint tajdidt i yettawin seg Bgayet ɣer Lezzayer tewwet yiwen n ukamyu ssmana-yi deg lagar n Uqbu.
Tawaɣit d tamezwarut, seg wasmi i tebda tmacint-a asiweḍ lɣaci ass n 3 deg wayyur ideg nella, lemzeyya ur d-texlif ara s lmeytin ala kra n txessarin deg ukamyu-nni i yebɣan ad yezger rrayat n tmacint. Tamacint sḥebsen-t imir azal n ssaɛa akken ad ǧǧin ssrabes n yijadarmiyen ad xedmen tasestant-nsen.
S twaɣit i yeḍran deg Uqbu, tesmekta-d i kra yimeslayen n wid d-yenna yakan deg tazwara uqbel ad telḥu tmacint-a ; rrayat n tmacint i yellan seg Bgayet ɣer Bni Mensour, ur ilaq ara i tmacint yettɣiwilen akka. Rnu ɣur-s, imdanen ur ttqadaren ara amdan i uzgar n rraya, yal yiwen s akken yennum, ulac ula d zzerb i yimukan-a. At tmacinin, qqaren-d, mazal aecwar n ureqqeɛ d usiggem n ubrid ur ikemmel ara. Ma deg unnar, yiwen ur t-ttwalin ixeddem deg rrayat. Mazal kan tiwuɣa-nniḍen aha !
D. I