Tigi mačči d « leḥkayat n lḥara-nneɣ » n umaru ameqqran Naǧib Meḥfud. Tigi d tid-nneɣ kan. Wagi d yiwen n uselmad seg yiwen n uɣerbaz alemmas n yiɣerbazen n temdint n Tizi Wezzu. Deg uɣerbaz-agi am wakken tella d tanumi, yal ass inelmaden d yiselmaden-nsen ttemyagaren-d ɣer ugni n uɣerbaz akken ad salin asenǧaq. Ssbeḥ ad t-salin, tameddit ad t-id-subben. Akken ma llan ulac win i as-yettakken azal neɣ leqder i wayen-nni : wa yettmeslay, wa yettaḍsa, wa yelha-d d wayen-nniḍen
Ihi, aselmad-agi mi iwala liḥala-nni yegzem-itt di rray-is, yal mi ara d-yekcem s aɣerbaz ad yerr srid ɣer tzeqqa n yiselmaden. Anemhal n uɣerbaz-agi iger-as tamawt. Yiwen wass, iruḥ ɣur-s yenna-as : « A ccix, ur ilaq ara fell-ak ad tetteffreḍ iman-ik, ilaq cwiṭ n rruḥ n lwaṭaniyya ! » Yerra-as-d uselmad-nni: « Teẓriḍ a ccix, wellah ma teqqim-d deg-i ula d rruḥ n lbaladiyya ! »
Arkoub Abdellah