tmezduɣt taqburt
Timlilit d tagnit i yesduklen aṭas n yimusnawen izzayriyen i iqeddcen deg uḥric n tgemmi (patrimoine). Imusnawen-agi usan-d seg yal tamnaḍt n tmurt-nneɣ,; imi tamsalt-agi ur teɛni ara yiwet n tama kan seg tmurt n Lezzayer.
15 n yisaragen i d-yettuneffken deg wussan-a. Asentel amezwaru yewwi-d ɣef liḥala n tgemmi deg tmurt n Leqbayel, deg Wawras, deg tmurt n Mzab akked Iznaten. Asentel wis sin tella d tagnit anda imusnawen bɣan ad jebden lwelha ɣer liḥala ideg tella tura tgemmi-agi i iɣellin seg wass ɣer wayeḍ. Am wakken mmeslayen-d daɣen ɣef tarrayin i sexdamen akken ad ḥarben ɣef ugerruj-agi.
Teffeɣ temlilit-agi s kra n tikta i d-yewwin ɣef tgemmi tadelsant deg uḥric n unadi deg tesdawit, akked ɣef uḥader d uḥareb ɣef tmezduɣin-agi tiqburin.
H.A.M