Ussan-agi ineggura, yekker leɛyaḍ ɣef yiwet n temsalt yurzen akayaḍ n lbak di temnaḍt n M’chedallah. Inelmaden n tesnawit Ben Badis deg Yimceddalen ttumenɛen s usɛeddi n ukayaḍ n “le bac” di tutlayt tamaziɣt ɣas akken ɣran-tt tlata n yiseggasen, am akken i yella usaḍuf (lqanun). Asmi yettuɛeggen i yinelmaden-agi ɣef rray teṭṭef tmehla n usegmi, ur brin ara i ṭṭbel deg waman, maca begsen ad d-awin lḥeq-nsen ula seg uẓru. Taɣamsa tessaweḍ lexbar, imawlan ur nwin ad ǧǧen rray am wa ad isewweq, lḥasun, teddez tebrez, ala akayaḍ ara yilin ɣas akken ad ɣanzun tangawin-nniḍen.
Tirza n uneɣlaf n usegmi, Boubekeur Benbouzid, ɣer Tubiret yekkes leckuk yerzan taluft-agi. Deg wawal-is yenna : “S kra n win yeɣran tamaziɣt ad yesɛeddi le bac.” D isalli yessefraḥen, i d-yerran asirem i yinelmaden n Yimceddalen.
D acu kan, ɣer melmi ara kfunt tlufa ɣef tutlayt n Massinissa imi yal tikelt d nnḍaḥ,; kullec s yimenɣi, ɣas akken tella di tmurt s wudem unṣib ?
M. Smail