Ass n larebɛa yezrin, iɣallen n laman n usagan (le port) n Bgayet, ṭṭfen-d xemsa yilemẓiyen, i iɛerḍen ad zegren ɣer yidi-nniḍen n ugrakal bla lqanun. Xemsa n yilemẓiyen-a, di leɛmer-nsen gar 20 d 27 yiseggasen, ruḥen-d seg tɣiwant Bab Lwad, kecmen ass n larebɛa deg yiḍ,; ɣer lluzin ERENAV, yezgan zdaxel usagan. Axeddim n lluzin-a ERENAV, d areqqeɛ neɣ asizdeg n lbaburat. Ilemẓiyen-a, wwin-d yakan lexber ɣef lecɣal ama zdaxel ama berra i usagan. Ẓran belli lbabur i d-qsaden isem-is El Djazaier. Yekcem-d ɣer lluzin ERENAV seg wass-nni n sebt. Tuffɣa-s seg usagan ad tili ass n lexmis. Abrid-is qbala ɣer usagan Genova, yellan di tmurt n Ṭelyan. Nutni xtaren iḍ n wass larebɛa, negzen ɣer zdaxel. Arrac-a i xemsa, ufan-ten ixeddamen n lluzin ERENAV, wid yesfiqden daxwel n lbaburat ma kfan axeddim-nsen. Din din sawlen i yiɣallen n laman n usagan. Iɣallen n laman glan yes-sen ɣer uxxam n ccreɛ ara ten-yesbedden ɣer ccreɛ ass n sebt, ɣef lɣelḍa i wumi semman “rrekba deg lbabur bla lqanun”.
Ait Ighil Mohand