Yiwen seg yirebraben i t-yeṭṭfen, yesteqsa Matoub ɣef taɣect ur ten-nettaǧǧa i yecna Agraw deg useggas 83. Yerra-yas-d Matoub, nekk d lmusiqa i xedmeɣ,; ma d tamedyazt d netta i tt-igan. Mi s-d-yeḥka i Boudjemaa yeḍsa, yenna-yas : « amek akka i d-tegriḍ aqerruy-iw ɣer lmut ». Yerra-yas Matoub : « mi ara yessemsad yiwen gar wallen-ik lmus, sellek kan aqerruy-ik ay amdakel »
Matoub d Kusayla
Tikta n matoub d tid i d-yessakayen ula d wid iḥemmlen ad ṭṭsen. Qqaren-d, yiwet n tikelt, steqsan-t anwa isem ara yefk i mmi-s. Yerra-yasen-d, akken i d-qqaren, mmi mačči Ɛuqba ara s-semmiɣ ; ad as-semmiɣ Kusayla akken mi ara yemɣur, ad inadi ayɣer i yi-semman akka.
Bourse d’étude Matoub Lounès
Deg useggas n 2003, asqamu n tmura n l’Europe (parlement europèen) yesnulfa ayen iwmi neqqar s trumit bourse d’étude Lounes Matoub. Deg uɣmis n Fransa le Républicain Lorrain n wass 11 deg yennayer 2009, Malika, uletma-s, tenna-d : « saḥent-d i sin n yisdawanen n temnaḍt n Gaza, yiwen d uday, tayeḍ d tafalasṭinit. Tsemlal-iten la bourse n Lounes Matoub deg tmurt n Ṭalyan akken ad ɣren. » Γas yemmut, azal-is d azal !
D. I.