Γas iḥar ad d-yaweḍ lawan-is, asteɛfu ulac-it, ula deg tmura tiberraniyin ttarran azal. Akken yenna yakan deg taɣect “”armi glalzeɣ” :
Ay ḥareɣ ad yaweḍ lawan
Deg ad selmeɣ deg umḍiq-iw
Ad rnuɣ ɣer wid yefnan
Di lǧerra n yimawlan-iw
Ad afeɣ ahat thennan
Mi ara wwḍeɣ ad nejmaɛen
Gar-asen ad yi-fken amkan
Ad steɛfun lejwareḥ-iw
Aṭas n Lemyur n tmurt n Fransa i as-yerran tajmilt i Matoub Lounes s tikci n yisem-is i yiberdan akked yizenqan ama deg tmaneɣt n Fransa Lpari ama deg temdinin-nniḍen. Gar-asen : deg tɣiwant Saint-Martin-d’Hères zdat n Grenoble, deg Vaulx-en-Velin zdat Lyon, deg tɣiwant n Pierrefitte, Seine Saint Denis, deg 19ème arrondissement deg Lpari, atg.
D. I.