M. Smail
Annar yettraǧun leɛnaya
Annar i tazzla d waddal yettwaxdem deg umraḥ n Assouel tama n Tikjda yebda yettehtuti. Amek ihi, amkan am wagi iɣef ttwaserfen acḥal d amelyun yeqqel d aqwir i yizgaren yettqeggilen deg-s. Lqaɛa-ines tebda tqelleɛ,; d ayen ara yesweɛren mebla ccek tamsalt i wid i d-yettasen s lbeɛd ad uraren wa ad azzlen. Γas ma yella unnar-agi yettwazerreb si kra n tamiwin, maca lewhi n ugafa-ines, yeqqim d abrid i yiɣersiwen, i ikeččmen, kessen deg-s, rnu ttaǧǧan lewsex-nsen. S kra n yal anaddal ara d-yawḍen ɣer din, yessḥissif mačči d kra di liḥala ideg d-yegra umkan yecban winna, amzun akken ulac amḍebber yečča wul-is ad as-yefk udem iwulem.