D awal i d-yewwin wayeḍ ɣef les moines-nni n Tibéhirine i wakken Amar. B ad d-yemmekti tawaɣit yeḍran d twacult-is deg useggas-nni dɣa 1996. “Nekk ẓriɣ win yenɣan uletma imi zdat-neɣ i teḍra…” F.B, uletma-s, d yiwet n tlemẓit n 24 n yiseggasen i yellan txeddem deg yiwen n uɣmis i d-yettefɣen deg yiseggasen-nni imezwura n 1990. Yeḥbes di 1995.
Asaru n tedyant-a, yeḥka-t-id Amar s nnehtat akked waṭas n wurrif xas ulamma zrin fell-as acḥal d aseggas : “llan yimawlan-iw di lḥara i ubeḥri acku d anebdu am tura, 23 di yulyu, cfiɣ am wass-a. ussan-d kra akken (llan acḥal nutni d adewweṛ din s uḍellaε d libuṭ,; ad as tiniḍ kan d ifellaḥen) nnan-as i baba ad nawi yelli-k i limir-nneɣ ad tt-yebḥet. Baba yellan d argaz d awal, ur ten-yugad ara, yenna-asen ma tewwim yelli ad dduɣ. Yeḍra umqellaε d ameqqran gar-asen, widak ḥaren ad ruḥen ssawlen-asen-d wid i ten-yettrağun, dɣa din din wwten uletma s terṣast ɣer temgerḍt zdat imawlan-is”. ikemmel yenna : “Win i tt-yenɣan hatan tura yesεa axxam, xedmen-as akk ttawil, ẓriɣ anda yettɣimi maca ur bɣiɣ ara ad t-waliɣ acku ma walaɣ-t…”
I usemekti, sin n yineɣmasen n uɣmis-nni ttwanɣan di lweqt-nni. Wigi d : Said. T akked Moh Achour. B.
Lhocine Ourezki