Yewweḍ-d unebdu, yewwi lɣaci ɣer Ticci yerna inegzumen n trisiti. Tameslayt ɣef trisiti tezga ɣer yimezdaɣ,; ɣer yiḥewwasen i d-yerzan ad kksen cwiṭ seg uzɣal yezgan ussan-a. Mḥend, akewwac deg tlemmast n temdint n Ticci, yenna : « Amek ara nqabel iḥewwasen d yimerraḥen. Yuɛer fell-i, imi trisi tettruḥ deg ssaɛa ɣer tayeḍ,; ad d-yali uɣrum neɣ ad d-yeww akken ilaq. «
Imi nerza ɣer din, wid nmuger ad ttmeslayen ala ɣef yinegzumen n trisiti. D tidet, am ukewwac, am win yeznuzzun la glace, am ugezzar, ttcektin ɣef txessarin i d-yettnulfun seg yinegzumen. Ula d les chuttes de tensions ggtent. Dɣa, yessaweḍ Massi, aqcic n 17 yiseggasen deg leɛmer-is yessekrawen les parasols, yenna-d « d aɛemmed ay ttɛemmiden, ur ḥemmlen ara Ticci imi d tamdint mm yiftisen i d-igellun s lɣaci… » Ma d Ɛli, amɣar n 70 n yiseggasen, yenna-yaɣ-d : « Ur tettɣimi daxel uxxam imi yeḥma lḥal yerna aklimatizur yettnus, ur tettɣimi deg berra ɣer tili s uɣebbar n yicanṭiyen (ixeddmen abrid aɣelnaw) ur nfuk acḥal-aya. Ssber ay ul ! »
D. I.