Leqdic d win i d-yellan deg uɣerbaz amezwaru n Lquds. Din deg umkan, llan azal n 40 yiḥirafiyen i d-ifercen sselεa-nsen i zziyar : Isɣunen, iẓeṭwan, afexxar, lgaṭu… Iswi n temlilit-a ɣef wakken i aɣ-d-yessefhem Mass Berki Abdelkrim yellan gar wid i tt-id-yessudsen : “D aḥareb ɣef lḥirfat-a tiqdimin akken ur negrent ara, d tikci n tegnit i yiḥirafiyen akken ad mbaddalen tiktiwin way gar-asen akked daɣen d yimezdaɣ. Rnu ɣur-s d tagnit akken ad zenzen sselεa-nsen”.
Nemlal daɣen kra seg yimḍebren n texxamt n lḥirfat n Tubiret. Ula d nutni, εlaḥsab n wayen i aɣ-d-nnan ssewjaden ayen umi semman : “Itruṭwaren n lḥirfat n ufus”. Aya d ayen ara d-yilin seg wass n 25 ɣer 29 n waggur n yulyu ideg nella.
Mokrane Chikhi