Yeɣli-d remṭan n useggas-ayi di taggara n unebdu akked uheyyi n tuɣalin ɣer lakul. Di Bgayet, mačči anagar ibjawiyen i yesɛeddayen remḍan, ula d imigriyen acku yesqam-asen-d ɣlay s waṭas di tmurt n Fransa. Fiḥel ad d-nmeslay ɣef wazal imi wid yettẓummun yettnuɣ-iten ffad, rnu-yasen urfan, ɣas ma yella nezra ayagi d sebba kan. Mi ara yedden ccix, kulec yettfaka, ad tebdu ssehra. Ma d wid ur nettẓummu qqaren « Ifuk le couvre-feu ». Imi ala d ssehrat i yellan di remḍan, di Bgayet, ayen i yellan d ajdid di ayyur-ayi d l’animation yellan yal ass deg uxxam n umezgun Abdemalek Bugermuḥ,; deg uxxam n yedles Tawes Ɛemruc akked deg La brise de mer. Llan wid d tid iḥemmlen amerreḥ deg yiberdan almi d 12 yiḍ. Rnu ɣef waya, ur ntettu ara leqhawi i yettaččaren. Yal yiwen amek i yesɛedday ssehrat-ines di Bgayet akken i as-yehwa. Ma yella d ttawilat usiweḍ,; mačči d aɣbel acku lkiran xeddmen almi 12 yiḍ.
Amastan. S