Deg tagnitt anda yella uḥekkar n wallalen neɣ n ssrabes, anda ara yeknu umdan i lebɣi n wid yeṭṭfen cci-nni, werǧin ad yaf ayen yebɣa akken i t-yebɣa ! Aya yettbin mi ara nmuqel ɣer wid yessexdamen allal n lantirnet. Ugur i d-ttmagaren d win yessewhamen si tama d win yesserfuyen si tama-nniḍen.
Ama d wid yeldin les cybers-café neɣ wid i yessexdamen allal-agi deg uxxam, zgan ttuḥeyran acimi inegzumen n la connection i d-yettilin yal tikelt mebɣir ma tban d acu-tt sebba n wanect-nni.
Limer d lebɣi, allal-agi yuɣal d ayen ur yezmir umdan ad yibɛid fell-as. Imi, ama d inelmaden, ama wid yettnadin ad sεeddin lweqt-nsen, ama deg lakulat, ama i unecraḥ kan ; merra-nsen ttiḥwiǧen allal-agi s waṭas. Rnu ɣef waya, imdanen xelsen takebbanit n Alegire téẓlécom akken ad sεun ttawil-agi melmi i asen-yehwa akken daɣen i d asen-yehwa ! Maca, di tillawt, imsexdamen n lantirnet zgan εelqen ɣer lebɣi n tkebbanit-a, imi ala nettat i d-yettmuddun allal-agi. D aya i yeǧǧan imsexdamen n ttawil-a, ttwaṭṭafen deg tcerkett n ustehzi, imi ulac abrid-nniḍen ansi ara εeddin akken ad sεun la connexion ur netteqram ur nettεeṭṭil am wakken i tt-yessarem lxaṭer-nsen.
Yiwen seg wid i yesselḥuyen cyber-café deg Friḥa yenna-d : « nekk ttxelliseɣ ɣef débit n 2 jiga, meɛna εeddi-d ad d-twaliḍ amek ẓẓay. Ruḥ ini-as kečč d ta i d l’ADSL ? D aya i aɣ-yeǧǧan nefcel. Wid yennumen ttasen-d ɣur-neɣ,; reffun imi ur d ttafen ara ayen bɣan. Mebɣir ma nmeslay-d ɣer leεḍil i d-nettmager ticki akken ara tettwagzem maḍi ! Meɛna, tifrat ur telli deg yifassen-nneɣ,; la nettwaqqen kan ɣer Algérie Télécom, ala nettat i yettserriḥen lantirnet, ulac takebbanit-nniḍen. »
Ma d wid yesεan allal-agi deg uxxam-nsen, wigi zgan d acekti : « Amek akka nettxellis i 6 wagguren, meɛna ulac aggur ideg tegzim ara azal n ddurat. Mi ara nsali leḥsab, ad naf di tillawt ala 4 neɣ 5 wagguren i nseɛɛu allal-agi. Ass-a nebɣa ad neḥsu acuɣer i yezga wugur-agi ? Ayen gguman ad s-id-afen tifrat ? »
Lḥir, ihi yezga yella, abrid-nniḍen ulac. Skud d Algérie Télécom i yeṭṭfen aserreḥ n lantirnet iman-is ; mazal imsexdamen-is ad mlilen d wuguren.
Ait Slimane Hamid