La aman, la lgaz, la trisiti, la tilifun, la …

Aɣerbaz alemmas n tɣiwant n Yicellaḍen iɣef yuzzel wawal ɣef tullya-s d wallalen i yesεa, di radyu Ssumam, deg wussan-nni imezwura n tuɣalin ɣer uɣerbaz, yeqqim kan d awal. Imi 150 yinelmaden n tudrin n Yicellaḍen urεad uɣalen ad ɣren.

Sebba d lixsas n wallalen : « CEM d amaynut, maca la aman, la lgaz, la trisiti », i d-yenna mass Rabia s yisem-is d anemhal n uɣerbaz base 06 n Yicellaḍen. Ula d aɛessas n yiḍ ulac-it, dɣa lekwaɣeḍ n lakul deg uqrab-is i ten-yettawi unemhal-a. D aya i yeǧǧan imawlan n warrac ur d-serḥen i warraw-nsen akken ad ɣren.

Γas akken yuget lixsas, anemhal n uɣerbaz-a yessaweḍ ad d-yejmaε inelmaden ass-nni n 28 di ctember2009 akken ad bdun leqraya simi ar d-frunt temsal.

B. Benhamouche