Aɣerbaz amenzu Mokrane Ahmed di El-Adjiba yesfayda-d s tzeɣwa timaynutin. Dɣa lexmis iεeddan i teffeɣ yiwet n tesqamut iwakken ad teldi s wudem unsib ayen akka yettwabnan. Azal n 3 n tzeɣwa n leqraya, abduz d yiwet n tzeqqa wessiεen i yettwaheggan ad mmagrent inelmaden n tɣiwant-agi. Asenfar-agi yeldi tiṭ i waṭas n yimawlan yesεan arraw-nsen deg uɣerbaz Kheddouci M. Améziane, i ikecmen deg yiwet n tegnit n lḥers anda ḥebsen ɣef leqraya acḥal n wussan aya. Deg wawal-nsen, bɣan d akken tizeɣwa-agi ad ttunefkent i uɣerbaz aqdim segmi ara d-yesfaydi ula d netta s usafar. Lḥasun, d yiwen n uεewwiq yeḥwajen tadukli n yiɣallen iwakken ad yaf tifrat.
M. Smail