Ahil n dulla n usewjed n tkebbaniyin timeẓẓyanin s ttawil n ANSEJ d win i yefkan tagnit akken ad d-snelfun ilmeẓyen azal n 7800.
Deg tseddart tamezwarut, ad naf tilawin, imi nutenti d tid i d-yesnulfan azal n 960 tkubaniyin. Leḥsab-agi, ɣas akken meẓẓi, yettbeggin-d azal i tefka tmeṭṭut taqbaylit i unegmu n tdamsa. Ssya ɣer taggara n useggas-a, yetturaju ad d-rnunt azal n 1200. Si tama-nniḍen yetturaju usewjed n snat n tzeɣwin ara yettebɛen tanmehla n l’ANSEG deg tɣiwanin n Draɛ-Lmizan d Iɛeẓẓugen.
I usmekti, azal n 21 300 yimekwan n uxeddim i d-yellan s ttawil-agi n tkubaniyin timeẓẓyanin sɣur tenmehla n l’ANSEJ s wazal n 15.7 yimelyaren n dinar.
Dalila I.