A.Arab
Ixus udlis n tmaziɣt deg yiɣerbazen
Am yal aseggas, adlis n tmaziɣt ixus s waṭas deg yiɣerbazen. Seg tuɣalin ɣer lakul ar tura, amur yettwaferqen ɣef yiɣerbazen ur d-iqad ara akk i yinelmaden yeqqaren. Deg uɣerbaz Salaḥ Si-Yusef, ɣef umedya, akk iswiren lemmden tutlayt tamaziɣt : Aswir 1u, tlata tesmilin ; w-2, 5 tesmilin ; w-3, 3 tesmilin ; w-4, 3 tesmilin. Di yal tasmilt, yella deg-s ugar n 35 yinelmaden. Ayɣer adlis n tmaziɣt ur d-yettaweḍ ara am yidlisen-nniḍen ? Di CRDDP, i yeskelfen s usiweḍ n udlis ɣer yiɣerbazen nnan-d “nefka i yal aɣerbaz amur-is”, maca drus ! Yeffeɣ-d yisali seg tneggarut-a dakken adlis n tamaziɣt n uswir wis sin yettwibdel maca melmi ara d-yaweḍ ? Ahat, alamma yekfa useggas ?!