Arrac imeẓẓyanen imeɛdar iwumi i asen-ilaq alemmud i uheggi-nsen ɣer tmetti, ur d-yettili ala deg yiɣerbazen ara yeldin i ddemma-nsen. Maca, deg lwilaya n Tizi-Wezzu, yella lixsas d ameqqran deg uḥric-agi. Dɣa, azal n 300 lwacul ttrajun amkan deg le centre médico-pédagogique n Buxalfa imi aɣerbaz agi d win yeččuren. Ad d-nerr lwelha belli aɣerbaz-a d win i yesɛan anagar 100 n yimekwan ɛlaḥsab n tnemhalt n DAS (la direction de l’action social). Si tama-nniḍen, yettili-d lawan-agi lecɣal n usewjed n 60 yimekwan-nniḍen deg uɣerbaz-agi, imi mazal ur fukken lecɣal. Am wakken i d-yettili lecɣal n usewjed n sin n yiɣerbazen-nniḍen ara yettkelfen s warrac imeɛdar deg tɣiwanin n Wagenun d Tadmayt.
Dalila I.