Yenna-as Muḥya « tɣaḍem-iyi ay imecṭuḥen. »Tineggura-agi, mačči yiwet ara d-yettnulfun di tmurt n Leqbayel. Iḍelli d lfetwat iqananen ɣef yimyura-nneɣ d yimawlan n yidles amaziɣ,; ass-a d ayen-nniḍen.
Ma ur tečči ara sya ad tečč akken nniḍen. Walit ihi di tudrin-nneɣ d temdinin-nneɣ bdant la d-ttlalent tnedlisin zaɛma les librairies ! Yelha ! Awi-d kan ad tennerni tmussni n yimdanen, maca deffir wannect-a ad naf d aɣurru. Mi tkecmeḍ ɣer daxel ur yelli kra n tmussni ara d-tleqḍeḍ a bnadem ! Kra n wayen yettnuzun dinna d idlisen n ddiɛayat d rwayeḥ d yiselsa d yiqendyar d tḥirimin i aɣ-d-yettasen si Kazaxestan, Azrabiǧan, Fɣanistan, Iran, Ssudan,… hatt tnedlist uqanan. Nutni ur ɣfilen ara maḍi umnen swayes xeddmen… wammag nekni anef kan… akken i as-yenna ccix Muḥend U Lḥusin « nebɣa ad d-nennulfu meɛna nreffu. »
Ɛebdella Ɛerqub