Ɛecrin n yiseggasen i iεeddan ɣef tmettant n urgaz n tsekla tazzayrit Kateb Yacine. Ilmend n umuli n tmettant-is, tuɣal-as tejmilt d tameqrant di temdint n Bgayet, anda i d-usan waṭas seg yimdukal-is d wid i iqedcen yid-s deg taɣult n umezgun. Tajmilt-a yekkan 3 wussan (seg 28 ar 30 tuber), i tt-ixedmen d tidukla n umezgun “Les compagnons de Nedjma” s lemεawna n uxxam n yidles d uxxam n umezgun n Bgayet Malek Bouguermouh. Deg wahil-nsen, aṭas n tɣawsiwin i yellan gar-asent : turart n tceqquft n umezgun “La poudre de l’intélligence” sɣur tarbaεt n uxxam n umezgun n Sidi Belabbes, asεeddi n sin n yisura, yiwen seg-sen ɣef umeɣnas azzayri Ali Zamoum yellan seg yemdukal n Kateb Yacine. Tajmilt-a tekfa deg wass-is wis tlata s yiwet n tmeɣra ideg tecna terbaεt Debza.
Mokrane Chikhi