Gar uguren id-ttmagar tɣiwant-agi di lexsas n wallalen n usiweḍ yezmer ad yili d ugur ameqran ɣer imezdaɣ anda ad d-tafeḍ anelmad ad d-yeffeɣ seg uɣerbaz ɣef tlata ur yettaweḍ ara ɣer uxxam alma d rrebɛa neɣ d lxemsa n tmeddit. Axeddam daɣen anda i yilaq ad yaweḍ ɣer umkan n lxedma-s ɣef tmanya n ssbeḥ,; ad yaweḍ ɣef tesɛa neɣ lɛecra. Dɣa taddart n Iburassen yettuɣalen ɣer tɣiwant-agi d tin i tḍur s waṭas taluft-agi. Nutni, ula d abrid i wenɛen ur tesɛin ara. ɣef waya ttgaman-asen imawlan n usiweḍ ad ten-ssiwḍen ɣer taddart. Daya i ten-yeǧǧan cuddun iman-sen ɣer taddart n Beni Fouda akk d taddart n Iɛelwacen iwakken ad kemlen tikli ɣef uḍar azal n tlata kilumitr.
Fatima Bouras