Taɣiwant n At Yeḥya Musa i d-yezgan ɣef teɣzi n 30 km deg unẓul n lwilaya n Tizi-Wezzu, segmi tuɣal d taɣiwant deg useggas n 1984, nettat tettraju ahil n unegmu ilmend n tudrin yettidiren deg lixsas meqqren.
Ugur-agi d win yeǧǧan imezdaɣ ad rewlen deg temnaṭ-agi s sebba n lixsas n ttawilat n tudert n yal ass. Si tama-nniḍen, arebrab d win i iqeḍɛen layas i yimezdaɣ-is alarmi xlant tudrin. Tilawt-agi d tin i yeǧǧan imḍebbren ad heggin ahil n unegmu s wazal n 20 yimelyaren n sentim i lfayda n 5 tudrin deg wahil iwumi qqaren PPDRI. Gar tudrin-agi d At Reḥmun, Afir, Ihsisten, Iɣil-Muhu. Ahil-agi d win yeɛnan lfaydda n lɛama, imi yeɛna tullya n yiberdan, tuẓẓut n ttjur n lfakiya d tzemrin.
Dalila I