Azal n 3000 d amdan i d-yerzan ɣer taddart imalusen ass-nni n lḥed, amenzu deg wenber, akken ad ḥedren i tejmilt i yuɣalen i yimeɣrasen n taddart-agi. Asqamu n taddart d tɣiwant n timizar sbedden yiwen n usuktay n usmekti i irefden 26 yismawen n yimeɣrasen n tegrawla 54/62. Ma d aɣerbaz amenzu yewwi isem n watmaten imeɣrasen Ait Randane. D tasebḥit n wass i bdan yinebgawen ttasen-d akken ad kkin di tejmilt. Argaz tameṭṭut, ilemẓi amɣar, yal yiwen ansi d-yezra. Akken ma llan sutren ad ikemmel umennuɣ i lebni n Lezzayer d unegmu-ines s tezdeg d yiseɣ akken tisutiwin i d-iteddun ad d-afent ayen ɣef ara bnunt imal-nsent d uzekka n tmurt.
Ɛebdella Ɛerqub