Atta-n tegrest tbegges-d ! Ɣas akken d tiqucac n udrar n ǧerǧer I yesburen s udfel, asemmiḍ yuɣ timnaḍin n swaḥel. D ayen I yeǧǧan imezdaɣ n La Crête-Rouge di tɣiwant n Leɛǧiba irekeb-iten lḥir amek ara qablen aseggas ccetwa d wayen I s-id-tgellu. Imezdaɣ n temnaḍt-agi yuɣ lḥal heggan iwakken ad idiren di liḥala igerzen s usiweḍ lgaz n temdint ɣer yixxamen-nsen; maca, lferḥ ur iḍul ara iwakken ad yexsi mi walan d akken lecɣal n usenfar-agi gguman ad bdun. Ulamma aṛeggem mačči d ayen ixussen si tama n yimḍebbren, maca tidet d ayen nniḍen. Amek ihi ur ttaysen ara yemdanen-agi yerǧan s usirem ameqran ad mmagren lgaz n temdint di taddart! Asenfar-a i d-yebdan si Leɛǧiba aseggas yezrin yedda-d amecwar almi I d-yessaweḍ ɣer Tamra, yiwet n taddart i d-iqerben La Crête-Rouge. Lame ɛna, ur ḥsin anda turez temsalt! Asirem n yimdanen-a d lwelha n yimḍebbren nsen iɣef tteklen ad ten-id-ssufɣen si lmeḥna d ccedda ideg ttidiren ladɣa deg wussan-a n tegrest. Laẓ yesweɛduyen ur ineqq, akka i d-qqar M. Smail
