Aseggas-a, ifellaḥen ccektayen s lixsas n zzit n uzemmur. Asafar-agi yellan d azamul n tmurt n Leqbayel yebɣa ad yinig seg yisekla, imi deg waṭas n yimukan, ulac-it, neɣ ur yelli ara s ṭṭaqa am wakken yella aseggas yezrin. Ɣas ma tuget n yifellaḥen bedden ɣer tferkiwin nsen, fersen, neɣcen tizemrin nsen, iṭij n unebdu iɛeddan yeǧǧa-d later-is. Azɣal ur yeǧǧi ara tagnit i yisekla iwakken ad ftin, imi lawan n ujeǧǧig yuɣ lḥal tiseddarin n lḥamu ulint ugar. D ayen yerran ifer werraɣ,; isegman gguman ad nnernin.
Ayen I d-ijebden lwelha n yimdanen d akken aseggas-a, azemmur yeɣli-d si tzemmurt uqbel ad yibrik, am wakken d kra n waṭṭan i ikecmen aseklu. Azemmur-nni i d-yeɣlin, tkecm-it yiwet n twekka i t-yerran yekkaw.
Lixsas-agi yegla-d bessif s leɣla n usafar-a, d ayen i yessawḍen azal-is ɣer 400 idinaren deg waṭas n lemɛasrat.
M.S