Taɣiwant n Mizrana i d-yezgan ɣef teɣzi n 30 km ɣef Tizi Wezzu, d tiglelit imi imezdaɣ-is mazal ttidiren deg yir tasewiɣt. Taɣiwant-agi mmucaɛen i lemend n tiẓgi-is i wumi sawalen leɣaba n Mizrana d tin wessiɛen, imi tuɣ azal n 70% n wakal n tɣiwant, ula d accenggu arumi yeɛreḍ acḥal d tikelt ad tt-yesserɣ imi deg-s i tilin imǧuhad, maca ur yesaweḍ ara. Mizana tejmeɛ azal n 9 000 n imezdaɣ i iferqen ɣef 14 n tudrin. Tiẓgi n Mizrana, i deg tella aṭas n lefayeda tuɣal tagaray-a d aɛewwiq deg udem unegmu n teɣiwant s sebba n rebrab, ɣas akken d tin yesɛan leɣella, ladɣa iqci. Azal n tedrimt i d-tettak leɣella n iqeci tesawaḍ nnig n 5 imelyaren n sentim yal aseggas. Maca taɣiwant ur d-tesfaydi ara s tedrimt-agi, ɣas akken imezdaɣ,; ṭṭaqa deg-sen ur xeddemen ara, ladɣa ilmeẓyen. Win I d-yesfaydin yes d tanemhalt n uḥareb ɣef tzeɣwa. Ad d-ner lewelha belli leɣella-agi d tin ḥwaǧen s waṭas deg snat yemgaraden deg temurt- neɣ,; ayen yeɣan suma-ines ad talli deg iseggasen ineggura. Si tama niḍen, iqeci n lɣaba n Mizrana d win iwenɛen s waṭas, imi netta, ɛla ḥsab n imusnawen, d ṣenf ifazen deg umaval. I lemed n waya suturen imeḍebren n teɣiwant n Mizrana i wakken ad efayedin xersum s wezgen n lefaye da i d-tettawi lɣella n iqeci d uḥareb ɣef lɣella yettnuzun deg suq aberkan s sumat rxissen.
Dalila I.