Tanemhalt n wexxam n yedles n Mouloud Mammeri n Tizi-Wezzu s lemεawna n tneγlaft n yedles d lwali n Tizi-Wezzu akk d tesqamut n leqdic adelsan sudsen-d tazrigt tis snat n Salon djurdjura n wedlis i yeldin tiwwura-s s wudem unṣib ass n lḥed 20 dujember steγzi n 7 wussan(ddurt), deg wexxam n yedles Mouloud Mammeri n temdint n Tizi-Wezzu s weslugu « Adlis d-igellid », d tajmilt i 3 n imyura n temnaḍt n Tizi-Wezzu,wigi d Si Amar Boulifa, Tahar Djaout, Rachid Alliche. Aseggas-a, 19 imzikniyen i yukan deg tmesbanit-agi,12 deg-sen n tuzrigin n Tizi-Wezzu, 6 n temdint n Lzzeyer tamanaγt, d 1 n temdint n bgayet. Ilmend n waya, ahil n leqdic id-hegga tnemhalt n yedles d-amarkanti. isaragen(conferences) id-qedmen isdawaniyen akk d yimnuda. ger-asen yella Mass Said Chemakh d Mass Tazaghart id yefkan yiwen usarag γef « tazrigt n wedlis amaziγ », Mass Saïd Mecheri yefka-d ula d netta yiwen usarag γef «Timucuha d tasekla n yelmeẓyen», rnu yiwen usarag meslayen-d γef tudert d umecwar n Boulifa, Tahar Djaout d Rachid Alliche. deg wahil daγen yella uzenzu n ubudu « des ventes-dédicaces » i stenyin yemyura γef yedlisen-nsen. Ger-asen, Lasheb deg wedlis-is « Zuk-nni deg at dwala » Lynda Koudache « Aεecciw n tmes », Ourek Rachid « Unis par la bravoure », Gherib Azeddine « Tacequft n umezgun, yir brid ur yettdum », Said Chemakh « Ger zik d tura » Arezki Djamel « Akkal d wawal », Cherif Krim « Timsirin n tejrumt n tmaziγt » akk « Asirem ».Tamesbanit-agi yella deg-s umzizwer γef tγuri yelhan( tamaziγt, taεrabt, tafransist), akk d umzizwer γef usufeγ n wedlis yelhan. tuzrigt-agi tis snat n wedlisn ad-tettuγal yal aseggas, id-tenna Massa Chaou, timḍebart n salu(salon) n wedlis, tenna daγen daken aseggas-a llan 19 imzikniyen, i tuzrigin iεeddan llan 15 imzikniyen kan, zyada n 4 imzikniyen aseggas-a γef win yezrin. Si tama niḍen tella-d tγuri n tmedyazt sγur Ahmed Lahlou akk d tarbaεt n tmedyazt n wexxam n yedles. Tagara n usalu n wedlis yella-d ass n sebt 26 dujember 2009, anda i-fkan arazen d igardasen i kra n win yuklalen.
Islam Bessaci