Merẓuq d Munya d iɛeggalen di terbaɛt n Ddebza i imussanen di ccna n tmurt n Lezzayer di zzman udebbuz. Nnan-d ɣef temlilit-agi.
Merḥuq Ddebza, waqila d tuɣalin nwen ɣer unnar ?
Ur nruḥ ara akken ad d-nuɣal, nekkni d imezgan n tmurt-agi, nezga nella. D tidet lewqat beddlen, timuɣliwin beddlent maca amennuɣ,; d yiwet-is.
Amek ?
Akken yeqqar Mulud Mɛemmri : » Win yettruḥun asalu iteddu akken yufa mačči akken yebɣa »; ur nuksan ara ad ttbeddel, ur nuksan ara ad tfak temmuḥqranit, ur nuksan ara ad tifrir tidet, ad ngerrez di tmurt-nneɣ
Ma terriḍ ddehen-ik, aṭas n yilmeḥyen i d-yusan ɣer tejmilt-agi. Yella usirem ?
– Ilmeḥyen s timmad -nsen d asirem n tmurt, d asirem uzekka. La tettwaliḍ imdanen ass-agi teddez-iten Lmeḥna, terḥa-ten. Ilemḥi-nneɣ am winna wumi yeɛreq kra, maca wid i d-yusan ass-agi d fad i fuden. Bɣan ad ilin am nutni am yilmeḥyen n tmura nniḍen. Tissmin ttɛebbint tissas.
Munya neɣ Bunya i am-tessawal terbaɛt Ddebza. Amek i d-tufiḍ iman-im di terbaɛt-agi ?
– Lliɣ xeddmeɣ akked Bazǧu (Chef d’ǧrchestre) walan di tazwara ttakkeɣ-as azal i wayen xeddmen rnu-as ḥemmleɣ ad sleɣ i yisental i ɣef cennun. Uguren n ugdud azzayri ɣef icennun ijbed-iyi aṭas, imi dayen ttidireɣ yall ass am nekk am tuget n tezyiwin-iw. Yerna d iseɣ ad tawiḍ amennuɣ n ugdud-ik deg yiles n Lmusiqa d usefru d wawal d umezgun. D tidet fell-i sin neɣ tlata iseggasen-agi kan nekk d tarbaɛt-agi. Abrid yid-sen d tamussni
Iḥulfan-im, ass-agi kemm i d-yerzan ar Tizi Wezzu ad tettekkiḍ di tejmilt i as-yuɣalen i Kateb Yasin ?
– Yasin Kateb d azamul n tsekla tazzayrit. Ayen i aɣ-d-yeǧǧa i ɛedda akkin i tlisa. Di tmura tiberraniyin i ittwassen wala di tmurt-is. Ass-agi yettalasaɣ ugar n waya. Iḥulfan-iw, d iḥulfan n kra n win yellan yid-neɣ di temlilit-agi tussnant. Tamussni-inu tebda la tettihriw. Aṭṭas i d-leqḍeɣ ɣef Kateb Yasin ɣar yimeddukkal-iw.
Awal-im i telmeẓyin i kem-yecban ?
Idles ur k-ittarra ara d amerkanṭi d anesbaɣur, maca ad k-yerr d amerkanṭi n Leɛqel
ɛebdella ɛerqub