Asenfar n lebni n tesenawit di teɣiwant n Mekira d win ara ikemelen deg kra n wussan zdat-neɣ mbaɛd mi-d yella uneḥebus n lecɣal deg-s seg sin waguren aya s sebba n ray n tenemhalt n leqraya n lewilaya n Tizi Wezzu. Ad nesmekti belli deg tirza-ines taneggarut ɣer teɣiwant n Mekira, anemhal n leqraya n lewilaya n Tizi Wezzu, yenna-d belli taderimt I d-ttuhegan i usenfar-agi ur d-tqad ara. D ayen i t-yeǧǧan ad yeḥbes lecɣal n lebni. Rray-agi d win i isserfan imezdaɣ n tɣiwant i inejmaɛen i lemnd n tifrat n weɣbel-agi. Gezemen-tt di Rray ad ceyɛn yiwet n tebrat i lwali. Ad d-ner lewelha belli taɣiwant-agi i illan seg tɣiwanin tiglilin n lewilaya, d tin i yettidiren iɣeblan imeqranen gar-asen lexsas n tawilat n usiweḍ inalmaden: d ayen yeǧǧan arac ad fɣen seg leqraya. I lmend n waya imezdaɣ ṭfen deg ussenfar-agi n tesnawit ara yefrun azal d ameqran n iɣbelan n imezdaɣ deg uḥric n leqraya. Deg tagara lwali n Tizi Wezzu, d win i d-yerran i usuter n imezdaɣ s rray n ukemel n lecɣal n lebni ara yefrun ugur n isnawiyen n Mekura i illeḥun yal ass ɣer tesnawit n Draɛ Lemizan neɣ tin n Tizi Ɣenif.
Dalila I.