aγerfan n ugerzu n Tizi-Wezzu ( P/APW)
Belabbas Mahfoudh, yella d anamzul n uselway(vice-président) n wesqamu aγerfan n ugerzu n Tizi-Wezzu, tura yuγal d-netta i d-aselway n tesqamutt-agi, yeṭṭef amḍiq n Mohand Ikharbane, Ufrin n wesqamu Aγlan (sénateur). Tifranin εeddan-t di tegnatin yelhan nezzah ddurt yezrin, ass n 26 yennayer 2010 s tillin n uneflus amenzu n twilayat n Tizi-Wezzu. Belabbas Mahfoudh d amzazwar awḥid i yellan deg-umzizwer, ger n 32 leṣwat, 25 deg-sent uγalent i lfayda n Belabbas Mahfoudh, 7 d-tilmawin(ulac), ma yella d 15 n ufranen n FFS ur ttekkan-ara deg tefranin.
Tasqamutt taγelnawt n ugerzu n Tizi-Wezzu tebḍa γef 47 imeḍqan, RCD yesεa (16 imeḍqan), FFS (15), FLN (10),ma d RND yesεa (6). Aselway amaynut yellan uqbel d imḍebber n tesqamutt tadelsant,ilmeẓyen d wadal deg tesqamutt taγerfant iεeddan yesenmer γef wid it-yeεawen-nen almi yewweḍ γer wemḍiq-agi i deg yella d kra n win i-xedmen deg-s laman. Syen iweεed akken ad-yeqdec s tidet d yiseγ mgal takkerḍa d lexdeε.
Syen Lwali n Tizi-Wezzu mass Hocine Mazouz, yefures tagnitt anda id-yesudes yiwet n tafugla (Cérémonie) i lfayda n Mohand Ikharbane,isenmer-it γaf wayen i yexdem ilfaydan lwilaya n Tizi-Wezzu.
Islam Bessaci