S lemεawna n tiddukla tagreγlan n yimaεddar, tiddukla n yimeεddar d yemddukal-nsen n temnaḍt n Buzgan, γef uqaru-is Said Hamoum, sudsen-d tamedrut (séminaire) γef uselmed n warrac imeεddar Tamedrut-agi i d-yellan deg-uγerbaz n yimeεddar n At Sidi Amar, taγiwan n Wizgan, t-semlal-d aṭas n yinebgawen id-yusan γer leqdic-agi, ger-asen, Saheb Hakim, d-aseddawan u d-Amazan (député), Arezki Aïder, Mahmoud Boudarène, Mohand Ikherbane, Mahfoud Belabbes, aselway n tesqamut taγerfant n ugerzu n Tizi-Wezzu, Zeggane Sofiane, aselway n tiddukla Talγut n tujya n Tizi-Wezzu. Djebbari, anemhal n sin iγesuyen Usligen (2 établissements spécialisés) n temnaḍt n Awqas. Arab Sadaoui, aselway n tiddukla APIMC n temnaḍt n Seṭif akk d imejayen. Rnu Massa Meklat, tamejayt n wexxam n tujya n temnaḍt n Buzgan
Tiddukla tagraγlant n yimeεddar tukka deg leqdic s sin iεeggalen-is,Rachid Dahmani d Baumacher Aude n tmurt n swis (Suisse). Tiddukla-agi tagreγlant n yimeεddar, iswi-s d-lemεawna tagraγlant ilfayda n yimeεddar. Ur tettmil ur tqeddec i kra n udabu neγ kra n Ddin neγ kra n tsartit. Tettara-d i teγri n yal ameεddur i yuḥwajen kra n lemεawna. Syen, tella tiddukla El Baraka id-yussan di Lzzayer tamanaγt akken ad-ttekkin deg tmedrut-agi. Tiddukla El Baraka tewi-d yiwen umennuγ yettkemilen aken ad-yilli umtawi deg izarfan, d-tikci n ufus n lemεawna ilfayda n yimeεddar akken ad-kecmen s ulmud. Naïma Saïb, tanemhalt n uγerbaz n yimeεddar n temnaḍt n Buzgan akk d Baya Hamoum d taεeggalt deg uγarbaz-agi d nutenti i yegren timawt i leqdic-agi, γef-aya tamedrut tεedda i tegnatin igarzen.
Islam.Bessaci