Cfu ḥelmeγ kem, d kem i ḥemleγ
Tin ḥemleγ d kem, a tina ḥemleγ
Lamer ulac-ikem, anta (i)y d kem
Wakka ara ḥemleγ nekkini akkagi giγ
Tḍal fell-am tiṭṭ-iw dinna ay d as-unfeγ
Temla-kem i wul-iw s iḍaren i newwḍeγ
Bedden ifassen-iw, bwin-am-(i)n tayri-iw
Ma ḥeleγ ḥemleγ nekkini akkagi i giγ
Lemmer mačči d kem waray d iḥebsen
Ma truḥ a s-kemleγ nekkini akkagi i giγ
Qim-d ar tama-w daya kan i bγiγ
Acuγer ay ayla-w dek ara stehziγ ?
Tesneḍ liḥala-w nekkini akkagi giγ
Di lehna (ad) am- bnuγ axxam
Ad erreγ tidett i lsas-is
d kem (ad) as- yekkesn ṭṭlam
D kem ay ttafat-is
A(d) d-jemεeγ tirga-m
Ad beddeγ ar qessam
A(d) s-t-ebruγ ger ifassen-is
A(d) m-bedleγ tiram
Ad ttezeγ fell-am
Am ferṭeṭu (ɣe)f jeǧǧig-is
A tin ḥemleγ
A(d) m-d-leqmeγ tibḥirin
S lwerd d lyasmin
Yal ajeǧǧig a t-neẓẓu
Ifrax-nni ad ttezin
Ad am-ttezin
Aal wa d amek a(d) m-d-icennu
Taqecwalt tbexsisin d tisemmaḍin
A(d) tent-id-afeḍ ar uzuzwu
A tina ḥemleγ
Leḥcic akk d tqeddacin
Aman a ttmirin
A(d) m-nejreγ targa ar weẓru
Xḍiy iẓerb uγanim
Ulay d iyi-wwin
Ẓṛiγ a(d) s-yizmir waḍu
D leswaṛ ara m-d-yezzin
Widen ur d-ttεeddin
Win tugiḍ ur d-ittsukku
Tizizwa d i teγrasin
Tament d tzidanin
Dayen akken akk nebγa anerwu
A tina ḥemleγ
Amraḥ sbeḥ tixxamin
usu d tsumtiwin
win yeεyan a d istaεfu
A tina ḥemleγ
Itij abeḥri tili
kuleci ad am-yili
A(d) m-sǧǧujgeγ smayem
Tazla ass-n(ni) d iγimi
Leεtab i wumi
Ad d-tekkeḍ nnig usawen
Kulci ad icebeḥ i tmuγli
Tamuγli s tayri
Ad rwunt tarda wallen
A tina ḥemleγ
Lebγ-im lebγ-iw d lebγi
Kulci d nekkini
I nekkini kulci d kem
Ayen akk ara tebγuḍ
Uqebl a(d) t-tebγuḍ
Anda yella a(d) m t-id-ssiwḍeγ
Ayen akk a(ra) tecahwuḍ
Imiren a(d) t-rwuḍ
Imiren a(d) m-t-id-sserseγ
Ayen akken tettarguḍ
Ass-nni ma t-ewεuḍ
Ay i(d-)tiniḍ targit teffeγ
A winna ḥemleγ
Ayen akk tenẓemḍ truḍ
Bγiγ a(d) t-ttuḍ
Cfu kan i kem-ḥemleγ
A tina ḥemleγ
Zedek Mouloud