Deg yiḍ n lexmis iɛeddan, lewhi n 22h, ttwanɣan 3 n yirebraben am wakken i yettwajreḥ wis-4 deg-sen. Tadyant-a teḍra ɣef tiṭ n yimezdaɣ n taddart-a i yekcem uɣbel uqbel ad ẓren tidet. Ɣef wakken i nesla, irebraben-a kkan-d seg Bgayet deg yiwet n tkerrust. Mi d-wwḍen ɣer Raffour, ḥebsen iwakken ad ččen imensi. Asmi i d-fɣen, ur dmin ara belli iɣallen n laman i d-yeddan-d deffir-sen di tuffra, fursen tagnit iwakken ad smiren fell-asen abruri n rsas. D ayen yeǧǧan tlata ssufɣen tarwiḥt deg umḍiq, ma d yiwen yeɛreḍ ad yerwel si gar yifassen n yiɣallen n laman i t-id-yeṭṭfen. Dima ɣef wakken i nesla, di tkerrust-a n yirebraben, aṭas n wudmawen n leslaḥ n ṭṭrad i yellan. Imir, ttwarefden wigi yemmuten ɣer sbiṭer n Weqbu iwakken ad d-yili lbeḥt n uɛqal nsen.
M. Smail